На сайце «Петыцый» аршанцы прасілі правесці рамонт дарогі па 5-м Пралер=тарскім завулку. Петыцыя сабрала больш за чатыры дзясяткі подпісаў грамадзян. У звароце жыхары адзначалі:
уся дарога пакрыта выбоінамі;
як следства — на працягу ўсёй вуліцы можна назіраць вялікую колькасць лужын;
перамяшчацца на аўтамабілі па такой дарозе магчыма толькі на самай мінімальнай хуткасці;
разам з адсутнасцю абсталяваных пешаходных шляхоў — пешае перамяшчэнні па вуліцы ўяўляюцца задачай нетрывіяльнай, і магчымыя толькі ў гумавых ботах.
Аршанскі райвыканкам адрэагаваў на петыцыю. Адказ ад імя ўладаў даслала Аршанская аўтабаза, подпіс дырэктара А.І.Казлова.
«План бягучага рамонту вулічна-дарожнай сеткі г.Ворша і Аршанскага раёна з неўдасканаленым пакрыццём на 2022-2025г. сфармаваны. Работы па рамонце дарожнага палатна па завулку Пралетарскім 5-м не былі ўключаны ў план».
