Расея, відавочна, рыхтуецца да новай атакі на Украіну з поўначы, гэта значыць, з тэрыторыі Беларусі. Расейскія вайскоўцы трэніруюцца на беларускіх палігонах, а расейская зброя перакідаецца, часта праз Воршу, на беларускую тэрыторыю.
«Live. Сообщество железнодорожников Беларуси» перадае, што з расейскага Ейску на станцыю «Лясная» ў Беларусі быў перакінуты эшалон з вайсковай тэхнікай. Там знаходзяцца не менш за 15 адзінак ЗРК «Тор-М2», а таксама каля 10 адзінак інжынернай тэхнікі.
Суполка чыгуначнікаў заяўляе, што гэта не апошні эшалон з расейскай тэхнікай, які будзе дастаўлены ў Беларусь.
На станцыю Ворша-Цэнтральная цягнік прыбыў 28 лістапада ў 10:40, адправіўся ў 12:40 (стаянка склала 2 гадзіны). На станцыю Барысаў цягнік прайшоў ужо ў 15:35. Час у дарозе на станцыю прызначэння з Расеі ў Беларусь склаў 4 сутак.
Расейцы абстрэльваюць не толькі ўкраінскіх вайскоўцаў, але і аб'екты цывільнай інфраструктуры. Пры расейскіх атаках гінуць жанчыны і дзеці, пад заваламі доўгі час шукаюць людзей, якія яшчэ могуць быць жывыя. У вызваленых украінскімі сіламі гарадах знаходзяць катавальні і братэрскія магілы, якія зрабілі расейцы.
