За такія відэа маглі б даваць прыз паміж вайсковымі камісарыятамі «за самы творчы падыход». У Воршы запісалі віншаванне да патэнцыйных прызыўнікоў і вайсковаабавязаных. Там запрашаюць мужчын прайсці зверку дадзеных у вайскамаце на Астроўскага. Завяршальны этап праверкі, як напісала «Аршанская газета» са спасылкай на начальніка мабілізацыйнага аддзелу Сяргея Пазнякова, працягнецца да 30 снежня. Таксама да канца году звераць усе дадзеныя і ў Дубровенскім вайскамаце.
Што тычыцца выпушчанага відэа, дык яно досыць хутка распаўсюдзілася па інтэрнэце, і звычайна гэтае «віруснае» відэа сустракае з’едлівыя камэнтары. Некаторыя карыстальнікі інтэрнэту ўжо напісалі, што вагаліся, ці ісці ў вайскамат паводле позвы, аднак пасля відэа ногі самі пабеглі туды.
Тым часам, многім жыхарам Воршы і Аршанскага раёну працягваюць прыходзіць позвы з вайскамату. Просім чытачоў паведамляць пра такія выпадкі ў нашу рэдакцыю.
