«Віцебскэнэрга» папярэдзіла аршанцаў, што з 20 снежня ў ацяпляльнай сістэме Воршы і Барані будзе цыркуляваць вада атрутна-зялёнага колеру. Мерапрыемствы па афарбоўванні цепланосбіта «Аршанская ЦЭЦ» будзе праводзіць для пошуку ўцечак, а таксама для спынення несанкцыянаванага зліву сеткавай вады з цеплавых сетак і сістэм ацяплення.
Для падфарбоўвання сеткавай вады выкарыстоўваюць харчовы фарбавальнік «Уранін А». Фарбавальнік з’яўляецца бясшкодным для здароўя людзей і не аказвае негатыўнага ўздзеяння на навакольнае асяроддзе, запэўніваюць энэргетыкі.
«Уранін А» таксама вядомы пад назвай «флуарэсцін» і дае пры растварэнні ў вадзе насычаны зялёны колер.
Пры выяўленні сцёкаў, лужын, снягі, афарбаваных у смарагдава-зялёны колер, змены колеру гарачай вады з крана просяць неадкладна паведамляць пра гэта ў дыспетчарскую службу раёна цеплавых сетак філіяла «Аршанская ЦЭЦ» па тэлефонах 53-80-78 і 8(029)202. −80-78.
Афарбаваная вада ў цепласетках у аршанцаў будзе ўжо да канца ацяпляльнага сезону.
