Учора наш сайт напісаў аб тым, што на чыгуначным вакзале Ворша-Цэнтральная плануецца ўвядзенне платнага доступу на пероны для асоб, якія суправаджаюць родных і блізкіх.
Гэта насамрэч розыгрыш на 1 красавіка. Ніякіх падобных зменаў уводзіць Беларуская чыгунка не плануе, а дакументу, на які спаслалася наша рэдакцыя, не існуе.
Праўдай у артыкуле з'яўляецца тое, што доступ на пероны галоўнай аршанскай чыгуначнай станцыі быў платным раней, калі чыгунка толькі ўваходзіла ў паўнавартаснае жыцьцё аршанцаў.
Аднак цяпер такіх зменаў не будзе, як не будзе і ўстаноўкі турнікетаў і агароджы каля перонаў на вакзале.
Прыемнай нядзелі, шаноўныя чытачы! Заставайцеся з Orsha.eu. Мы шукаем месца для жартаў, але іншыя нашы навіны - праўдзівыя.
