На Гарадскім стадыёне нашага горада поле не гатовае да прыёму матчаў Першай лігі. Дырэкцыя стадыёна чакае больш цёплага часу, каб трава была падрыхтаваная. Па дамоўленасці з кіраўніцтвам «Ліды» клубы памяняліся палямі ў першым і другім колах, піша твітэр «Радыё Аршыца». Таму, насуперак першапачатковаму календару, першы матч «Ліды» і «Воршы» адбудзецца на гэтых выходных не ў Воршы, а ў Лідзе, а матч другога кола, прызначаны на лета, адбудзецца ўжо ў Воршы, а ня ў Лідзе.
У клубе «Ліда» пацвердзілі інфармацыю пра абмен палямі і адзначылі, што сустрэча адбудзецца ў нядзелю, 9 красавіка а 13:00 на стадыёне «Старт» у Лідзе.
Гэта ўжо не першы выпадак абмену палямі — кіраўніцтва «Воршы» звычайна праводзіла такія абмены і ў некалькіх папярэдніх сезонах. Поле ў Воршы рэдка паспяваюць падрыхтаваць да першых матчаў сезону, таму камандзе не ўпершыню даводзіцца стартаваць некалькімі матчамі ў гасцях.
