Беларускі аўтамабільны завод (БелАЗ) пабудуе ў Воршы сваю новую вытворчасць. Яна будзе каштаваць жодзінскаму прадпрыемству 200 млн рублёў.

Завод у Воршы павінен замясціць імпарт кальцавых нарыхтовак для патрэб вытворцы кар’ерных самазвалаў. Цяпер такое ў краіне не вырабляецца.

Тэхналогія раскочвання, якую ўкараняюць, «дазволіць атрымліваць высакаякасныя нарыхтоўкі цэльнакатаных і профільных кольцаў з сталлю розных марак з вонкавым дыяметрам да 3 м і масай да 3 тон».

Тэрмін здачы новага прадпрыемства ў эксплуатацыю — 2025 год.

Сёння ў Беларусі такія нарыхтоўкі не робяцца. Між тым яны запатрабаваны не толькі на ўнутраным, але і расейскім рынку ў будаўніцтве авіярухавікоў, атамнай энергетыцы, суднабудаванні, ракетнай тэхніцы, машынабудаванні і іншых галінах прамысловасці.

У рамках праекту пабудаваны вытворчы і адміністрацыйна-бытавы карпусы, вядзецца пракладка інжынерных сетак, унутранае аздабленне памяшканняў і ўладкаванне падмуркаў пад абсталяванне. Плануецца, што ўжо сёлета ўнікальнае высокатэхналагічнае абсталяванне аўтаматызаванай лініі для вырабу кальцавых нарыхтовак пачне паступаць у Воршу, піша прэс-служба БелАЗу.

Стварэнне комплексу кольцараскаткі, як сцвярджаюць на заводзе, стане яшчэ адным крокам БелАЗу на шляху забеспячэння тэхналагічнай незалежнасці прадукцыі ад імпарту.