Орша, Спорт

«Рэгулярка» скончылася

24.04.2023 15:56

1587 просмотров, 0 комментариев

У апошнім матчы рэгулярнага чэмпіянату Беларусі па міні-футболе аршанскі «Вітэн» адправіўся ў госці ў Гародню да «УУС-Дынама».

Аршанцы адкрылі лік ужо на 2-й хвіліне сустрэчы пасля стрэлу Рагавіка. Неўзабаве дынамаўцы лік зраўнялі, ужо на 7-й. На перапынак каманды наогул пайшлі пры ліку 2:1 на карысць гаспадароў. Аднак перамагчы гарадзенцы не здолелі.

Супраць Яроміна сфалілі на перадапошняй хвіліне, і Лазюк рэалізаваў пенальці. Нічыя 2:2.

Цяпер «энергетыкі» чакаюць свайго суперніка ў плэй-оф. Чэмпіянат Беларусі ўступае ў гарачую фазу, калі клубы будуць змагацца за медалі.

Фота прэс-службы «Вітэну».