Трохразовы чэмпіён Беларусі па міні-футболе Сяргей Падалінскі частку сваёй кар’еры аддаў і аршанскаму «Вітэну», за якія нямала забіваў. Пасля падзей 2020 году спартовец вымушана пакінуў Беларусь разам са сваёй сям’ёй, бо ўдзельнічаў у пратэстах супраць дыктатуры Лукашэнкі і расказваў пра рэпрэсіі.
Пасля адбывання арышту на Акрэсціна вядомага чэмпіёна выкрэслілі з заяўкі клуба «Дарожнік». Пасля катаванняў у міліцыі і пагроз з боку спартовага кіраўніцтва Падалінскі вырашыў выехаць з Беларусі. За нацыянальнёю зборную ён правёў 40 матчаў. Рашэння іншых гульцоў у міні-футбол маўчаць і не падтрымаць рэпрэсаваных калег са сферы спорту Сяргей не зразумеў.
Апошнім часам Падалінскі гуляў за «Тулон». У 41 год ён вырашыў завяршыць кар’еру.
У інтэрв’ю спартовец выказваў жаданне вяртацца да беларускай мовы і заявіў, што яму сорамна за кепскае валоданне роднай мовай. Ён спадзяецца, што ў Беларусі адбудуцца перамены.
