Аршанец страціў 34 тысячы рублёў пасля размовы з ашуканцамі, піша міліцыя. Чарговай ахвярай ашуканцаў стаў 56-гадовы працоўны.
Зламыснікі выйшлі з ім на сувязь праз месэнджэр днём 2 чэрвеня. Мужчыну напалохалі ўзятым на яго імя крэдытам, а таксама ўцечкай яго персанальных дадзеных. Далей яму прапанавалі спосаб ануляваць пазыку, а таксама дапамагчы злавіць зламыснікаў.
Аршанец усталяваў на мабільны тэлефон праграму аддаленага доступу — і яго рэквізіты апынуліся ў руках злачынцаў.
Усяго аршанец страціў 34 тысячы рублёў.
Міліцыя чарговы раз папярэджвае — работнікі банкаў ніколі не выкарыстоўваюць месэнджары для апрацоўкі персанальных дадзеных кліента. Усю інфармацыю трэба спраўдваць у дырэкцыі банку. Нельга паддавацца на размовы з незнаёмымі людзьмі ў інтэрнэце ці па тэлефоне, нават калі яны называюць сябе прадстаўнікамі банку ці нейкіх іншых органаў.
