Афіцыйны Лондан дадаў у спіс прадпрыемстваў, якія маюць стратэгічнае значэньне для Беларусі і «датычныя або былі датычныя да дзеяньняў, якія дэстабілізуюць Украіну або падрываюць і пагражаюць тэрытарыяльнай цэласнасьці, сувэрэнітэту і незалежнасьці Ўкраіны, у тым ліку шляхам падтрымкі або садзейнічаньня Ўзброеным сілам Расеі», чатыры новыя прадпрыемствы.
У іх ліку знаходзіцца «Аршанскі авіярамонтны завод», што месціцца ў Болбасаве і што шмат гадоў хочуць выправіць на лепшае ўлады.
Таксама брытанцы дадалі пад санкцыі холдынг «БелОМА», ААТ «Гомельскі радыёзавод» і ААТ «2566 завод па рамонце радыёэлектроннага ўзбраеньня».
Два прадпрыемствы, згаданыя ў новым спісе — «Пеленг» і «Кідма тэк» — ужо былі пад санкцыямі Вялікай Брытаніі ў 2021 годзе. Але тады — з прычыны міграцыйнага крызісу на мяжы Беларусі з краінамі Еўразвязу.
