Беларуская чыгунка часова скасуе некаторыя цягнікі з-за планавых рамонтных работ на ўчастку Магілёў — Асіповічы. 24, 25 кастрычніка, 28, 29 лістапада скасоўваюцца цягнікі № 742/741 Менск — Магілёў адпраўленнем з Менску ў 6.55, з Магілёву — у 15.33; цягнікі № 879/880 Магілёў — Салігорск адпраўленнем з Магілёву ў 6.18, з Салігорску — у 17.21.
Але найбольш цікава для Воршы іншае — гэтымі ж днямі цягнік № 744 Менск — Магілёў будзе адпраўляцца са станцыі Менск-Пасажырскі ў 16.50 (замест 15.26) і прыбываць на станцыю Магілёў-1 у 20.13 (па графіку — 18.18) праз станцыю Воршы, хаця першапачаткова ісці праз наш вакзал гэты цягнік не мусіў.
25 кастрычніка, 29 лістапада цягнік № 744/745 Магілёў — Менск адправіцца са станцыі Магілёў-1 у 7.20 (замест 6.58) і прыбудзе на станцыю Менск-Пасажырскі ў 10.43 (па графіку — 9.46). Гэты цягнік таксама паедзе змененым маршрутам праз станцыю Ворша (без высадкі і пасадкі пасажыраў на прамежкавых станцыях).
Таксама ў гэтыя дні асобныя цягнікі на ўчастку Асіповічы — Магілёў паедуць са змененымі раскладам і маршрутам.
