Дружына чыгуначнікаў Воршы запісала сябе ў гісторыю беларускага футболу як адзіная каманда нашага гораду, якая выступіла ў першым пасляваенным чэмпіянаце БССР. Той турнір быў хуткацечным, і праходзіў з 16 па 21 кастрычніка 1948 году.
Матчы адбываліся на гомельскім стадыёне «Лакаматыў». Каманды падзялілі на дзве групы па тры каманды ў кожнай, а затым, у адпаведнасці з занятымі месцамі, яны вызначалі пазіцыі на фінішы ў стыкавых паядынках. Чыгуначнікі Воршы трапілі ў групу з менскім «Трактарам» і бабруйскім «Спартаком».
Пра тое, хто выступаў за аршанскую каманду, якімі былі вынікі яе сустрэч, а таксама тое, у чым газетная памылка старых часоў і як «Лакаматыў» выступіў у Кубку рэспублікі таго году, можна прачытаць у адмысловым артыкуле блогу «Радыё Аршыца», які апісвае чарговую гісторыю з летапісу аршанскага футболу.
