53-гадовы жыхар Воршы ў пошуках каханай зарэгістраваўся на сайце знаёмстваў «Evermatch», дзе пазнаёміўся з жанчынай з Вялікай Брытаніі.
Падчас зносін, як піша абласная міліцыя, незнаёмка распавяла суразмоўцу, што з’яўляецца спадкаеміцай прыстойнай спадчыны ў памеры 2,5 мільёнаў даляраў ЗША, аднак зусім самотная, цяжка хворая і 60% ад названай сумы хоча перадаць на дабрачыннасць.
Астатнія 40% у выпадку сваёй смерці, яна прапанавала адпісваць беларускаму інтэрнэт-знаёмаму.
Суразмоўніца паабяцала адправіць грошы праз пошту, а перасылку абавязала аплаціць мужчыну. Памер пасылкі склаў 2500 беларускіх рублёў.
Дадзеную суму мужчына перавёў па рэквізітах, якія адправіла яму інтэрнэт-знаёмая. Аднак ніякая пасылка ў вялікім памеры не прыйшла. Мужчыну папросту падманулі. Аршанец пазбавіўся пераведзеных грашовых сродкаў.
Гэта чарговы падман, які правярнулі ўвішныя ашуканцы праз інтэрнэт з аршанцамі. Ахвярамі, як правіла, становяцца людзі ў катэгорыі «50+», але бываюць і больш маладыя ахвяры падману. Горкі досвед іншых людзей, нават са свайго гораду, нічому аршанцаў не вучыць, і яны працягваюць завязваць сумнеўныя знаёмствы з кімсьці, хто называецца замежнікам.
