Пяцёра работнікаў Аршанскага мясакансервавага камбіната атрымалі траўмы ў выніку зрыву вечка вертыкальнага аўтаклава для стэрылізацыі прадукцыі ў кансервавым цэху, паведаміла прэс-служба Міністэрства надзвычайных сітуацый Беларусі.
Паводле інфармацыі Цэнтру медычнага рэагавання Міністэрства аховы здароўя, ва ўсіх пацярпелых дыягнаставаныя чэрапна-мазгавыя траўмы, тэрмічныя апёкі твару, цела, верхніх і ніжніх канцавінаў.
Двое чалавека знаходзяцца ў цяжкім стане, у іх дыягнаставаныя апёкі 40–60% цела. У траіх — апёкі меншай ступені, іх стан ацэньваецца як здавальняючы.
Па выніках кансіліумаў дзвюх пацыентак з цяжкімі траўмамі спецыялісты рыхтуюць для транспартавання і пераводу на лячэнне ў Рэспубліканскі апёкавы цэнтр пры БХМД у Менску.
Прычыну інцыдэнту высвятляюць. Але паводле папярэдніх звестак, супрацоўніца камбінату выконвала вытворчыя працэсы з аўтаклавам, у якім стэрылізавалася тушонка. Пры спробе ахаладжэння абсталявання адбыўся выкід пары, якая знаходзілася пад высокім ціскам. Пра гэта распавялі ў Следчым камітэце.
