Нягледзячы на шматлікія папярэджанні міліцыі, людзі працягваюць трапляць у сеткі махляроў. Ашуканцы актыўна асвоілі сацыяльную сетку Instagram, чаго неельга сказаць пра многіх звычайных беларусаў, якія за чыстую манету ўспрымаюць прапановы ліхадзеяў.

Кагосьці і з Новым годам «павіншавалі», пра што кажа міліцэйская статыстыка. За апошні тыдзень ахвярамі махлярства сталі больш за 12 жыхароў Віцебскай вобласці. Агульная сума выкрадзеных грашовых сродкаў зламыснікамі склала больш за 4500 беларускіх рублёў.

Створана вялікая колькасць старонак з найменнем онлайн-крамы, у большасці выпадкаў гэта крамы адзення, тэхнікі, дзіцячых тавараў. Вельмі актуальныя напярэдадні навагодніх святаў сталі старонкі аб продажы ялінак, а таксама мабільных тэлефонаў.

Факты махлярства ў сацыяльнай сетцы Instagram адбыліся з жыхарамі Віцебска, Наваполацка, Воршы, Глыбокага. Узрост пацярпелых ад 19 да 61 года.

УУС Віцебскага аблвыканкаму ў чарговы раз нагадвае:

не дасылайце грошы на картку прадаўцу. Пераводзіце іх толькі на разліковыя рахункі ІП, праз АРІП альбо па рэквізітах прадпрыемства;

не давайце пабочным асобам рэквізіты сваіх банкаўскіх картак;

прасіце звесткі інтэрнэт-крамы, размешчанай у даменнай зоне_.BY.

прасіце дадзеныя ІП або юрыдычнай асобы, на якія зарэгістраваны інтэрнэт-крама, пасведчанне аб дзяржаўнай рэгістрацыі.

Калі ж ад вас просяць зрабіць перадаплату тавару, то памятайце, што вас, хутчэй за ўсё, спрабуюць падмануць, гавораць сілавікі.