12 лютага сваё 40-годдзе адзначыў найлепшы футбаліст «Воршы» найноўшага часу Мікалай Кітаёў. Як падлічыў блог «Радыё Аршыца», на рахунку Кітаёва 356 паядынкаў у складзе каманды, што больш за ўсіх за 73-гадовую гісторыю каманды. Акрамя таго, за родны клуб нападнік правёў 95 галоў, і гэта другая лічба ў гісторыі пасля Уладзіміра Правалінскага.
Цяпер Мікалай Кітаёў прызначаны галоўным трэнерам «Воршы» і ўпершыню павядзе каманду як галоўны ў штабе, бо раней ён працаваў памочнікам. Пры гэтым яшчэ і працягваў кар'еру як футбаліст, хоць у апошнія сезоны рэдка з'яўляўся на полі. На здымку з інстаграму Мікалай з заўзятарамі пасля аднаго з матчаў. Пасля столькіх гадоў у камандзе складана нават уявіць кагосьці іншага ў складзе каманды пад нумарам 10.
