Орша, Происшествия

«Узяў касу», пагражаючы нажом

10.03.2024 11:41

769 просмотров, 0 комментариев

У Воршы — узброенае рабаванне крамы.

Каля 21-й гадзіны 9 сакавіка трывожны сігнал паступіў з прадуктовай крамы ў Воршы. Праз дзве хвіліны экіпаж Дэпартамента аховы разбіраўся на месцы здарэння, паведамілі сілавікі.

Было ўстаноўлена, што невядомы, пагражаючы нажом прадавачцы, адкрыта выкраў з касы грошы і схаваўся.

Удакладніўшы прыкметы і кірунак руху падазраванага, ахоўнікі паспяшаліся адпрацаваць прылеглую тэрыторыю.

Неўзабаве пад мастом яны заўважылі падобнага па прыметах маладога чалавека. Затрыманы не стаў адмаўляцца і прызнаўся, што гэта ён скраў грошы з крамы. Пры сабе ў фігуранта ўдалося выявіць каля 450 беларускіх рублёў (дакладная сума ўстанаўліваецца).

Налётчыкам аказаўся 14-гадовы навучэнец адной з мясцовых школ горада. У дадзены момант асобную ўвагу надаюць высвятленню прычын і ўмоў, якія садзейнічалі ўчыненню злачынства, даследуюць асобу падазраванага, выкліканы бацькі.

Міліцыя завяла крымінальную справу па факце злачынства.

З відэа вынікае, што рабаванне адбылося ў раёне чыгуначнага вакзалу. Падрабязнасці высвятляюцца.