У Воршы судзяць намесніка дырэктара «Цяплічнага». Імя Максіма Касцюковіча ўжо два тыдні фігуруе ў раскладзе суда Аршанскага раёна. Пра гэта піша канал «Витебск, я гуляю».

Мужчына працяглы час курыраваў камерцыйныя пытанні ў арэхаўскім саўгасе. Некалькі гадоў таму саўгас перайшоў пад апеку энергетыкаў.

Напярэдадні ў «Цяплічным» адкрылася вакансія намесніка дырэктара, але іншага — па вытворчасці.

Што пагражае Касцюковічу?

Найперш, прысуд намесніку дырэктара сельскагаспадарчага прадпрыемства залежыць ад часткі крымінальнага артыкулу, якую яму выставілі ў віну. Імаверна, гэта першая частка артыкулу. Таму максімальнае пакаранне можа быць 5 гадоў турмы.

Сам артыкул гаворыць:

Артыкул 428. Службовая халатнасць

1. Невыкананне або неналежнае выкананне службовай асобай сваіх службовых абавязкаў з прычыны нядобрасумленных або нядбайных адносін да службы, якія пацягнулі па неасцярожнасці прычыненне шкоды дзяржаўнай маёмасці ў асабліва буйным памеры, —

караюцца абмежаваннем волі на тэрмін ад 2 да 5 гадоў з пазбаўленнем права займаць пэўныя пасады або займацца пэўнай дзейнасцю або пазбаўленнем волі на тэрмін да 5 гадоў з пазбаўленнем права займаць пэўныя пасады або займацца пэўнай дзейнасцю.

2. Тыя ж дзеі, якія пацягнулі па неасцярожнасці смерць чалавека або іншыя цяжкія наступствы, —

караюцца абмежаваннем волі на тэрмін ад 3 да 5 гадоў з пазбаўленнем права займаць пэўныя пасады або займацца пэўнай дзейнасцю або пазбаўленнем волі на тэрмін ад 2 да 6 гадоў з пазбаўленнем права займаць пэўныя пасады або займацца пэўнай дзейнасцю.