КДК наведаў школы Віцебска, Полацка і Воршы. У выніку ў страўнях выяўлены некалькі парушэнняў.
Так, у рацыёне недастаткова выкарыстоўваюць прадукты здаровага харчавання: свежая гародніна, садавіна, малочныя прадукты, рыбу, сыр і іншыя. А вось прысмакаў, наадварот, даюць занадта шмат, прычым яны не прадугледжаны ў меню.
Пытанні таксама ёсць да прыгатавання і захоўвання ежы, піша Onliner, цытуючы чыноўнікаў.
«Канстатуем шматлікія парушэнні санітарных нормаў і правілаў. Нявымыты посуд, абсталяванне, рыштунак. Тут на харчаблоках нават былі ўстаноўлены выпадкі наяўнасці бактэрый кішачнага прутка. Выкарыстоўваліся прадукты са скончанымі тэрмінамі прыдатнасці, а таксама прадукцыя без наяўнасці інфармацыі і маркіроўкі. Выяўлены неаднаразовыя выпадкі лішкаў і нястачы прадуктаў», — адзначылі прадстаўнікі ведамства ў эфіры тэлеканалу «Віцебск».
Па выніках праверкі даручана прыняць захады для павышэння якасці харчавання, а таксама забяспечыць кантроль працы страўняў.
Цяпер у Віцебскай вобласці 234 школы бяруць удзел у эксперыменце па арганізацыі школьнага харчавання. Плануецца, што гэта дасць магчымасць змяніць рацыён школьнікаў з улікам іх пераваг, а таксама палепшыць якасць абслугоўвання.
