У чацвёртым матчы паўфінальнай серыі першынства Беларусі ў міні-футболе «Вітэн» з Воршы саступіў менскай «Сталіцы». Пры ліку 1-2 у серыі новая сустрэча адбылася ў Менску. У палацы спорту «Уручча» «Сталіца» была мацней з лікам 3:1.
Адзіны мяч аршанскай дружыны за дзве хвіліны да канца сустрэчы правёў Сініцкі. Але на той момант «чырвона-чорныя» ўжо саступалі 0:3, таму лёс паядынку быў вырашаны. Цікава, штіо ўсе галы былі загнаныя ў апошнія 10 хвілін паядынку.
Такім чынам, «Сталіца» перамагла і ў серыі з лікам 3-1, прабілася ў фінал. А «Вітэн» пазмагаецца толькі за бронзавыя медалі.
