Першым краязнаўчым ролікам красавіка стала відэа пра аршанскі герб, якому 400 гадоў. Мы расказалі, якая ў яго гісторыя і калі ён вярнуўся на змену гербам, якія накідалі на Воршу расейскія акупанты і камуністы.
Наступнае відэа было пра Аляксандра Савіцкага - маладаследаваную асобу ў гісторыі Аршаншчыны, якога адны называлі бандытам і рабаўніком, а іншыя рэвалюцыянерам і народным героем. Ён дзеіў у 1905 годзе. Дык хто ён, злачынца ці Робін гуд пачатку ХХ ст.?
У 1991 годзе якраз у красавіку адбыўся бунт на чыгунцы. Гэта былі вельмі яскравыя пратэсты, якія паступова паказалі ў тым ліку тое, што аршанцы гатовыя і прагнуць жыць у незалежнай дзяржаве Беларусь, а не ў Савецкім Саюзе. Блакаду чыгункі ўспамінаюць па сёння, успомнілі і мы.
