На тыдзень пазней за каталікоў, уніятаў і пратэстантаў Вялікдзень святкавалі праваслаўныя вернікі. У аршанскіх цэрквах прайшлі ўрачыстыя богаслужэнні. Вялікая чарга назіралася каля царквы Святога Леаніда. Прычым як у Вербніцу – за тыдзень да Вялікадня, каля асвячалі кветачкі вярбы, - так і на Вялікдзень, дзе свяцілі Пасху.
Кожная страва на велікодным стале штосьці сімвалізуе. Яйка – бяссмерце, бясконцасць, бо яно круглае. Ёсць хрысціянская легенда. Марыя Магдаліна пераказала рымскаму імператару навіну: «Хрыстос уваскрэс!» і перадала яму звычайнае белае яйка. Ён адказаў: «Я хутчэй паверу, што гэтае яйка стане чырвоным». І ў тую ж хвіліну ў ягоных руках яно змяніла колер. Адсюль традыцыя фарбаваць яйкі. Соль сімвалізуе духовую моц. Хлеб – сімвал штодзённых патрэбаў чалавека. Выпечка і мясныя вырабы – знак дабрабыту. Таксама дзерлі хрэн, які сімвалізуе пакуты Хрыста і горыч, якую ён перажыў. У чыста практычным сэнсе хрэн дапамагаў страваванню, бо на Вялікдзень елі шмат мяса.
У Беларусь на свята даставілі жыватворны агонь з Ерусаліму. У сталічным Свята-духавым саборы вернікі запальвалі ад яго свечкі. Хрыстос уваскрос!
