Трагічнае дарожна-транспартнае здарэнне адбылося ў Оршы. 60-гадовы мужчына на аўтамабілі збіў сваю аднагодку-жанчыну. Жанчына памерла пазней у бальніцы. Пры гэтым наезд адбыўся ў светлы час сутак, а жанчына ішла па рэгуляваным пешаходным пераходзе і прайшла большую яго частку. Адпаведна, аўтамабіліст зусім не меў рацыі.

- Устаноўлена, што абвінавачаны меў тэхнічную магчымасць прадухіліць наезд шляхам прымянення мер экстранага тармажэння, - распавяла інфармацыйнаму парталу infograd.by старшы пракурор аддзела пракуратуры Віцебскай вобласці Вікторыя Хроль. - Разам з тым, адцягнуўшыся ад кіравання транспартным сродкам, мужчына працягнуў рух у паказаным кірунку. І здзейсніў наезд на жанчыну, прычыніўшы ёй цяжкія цялесныя пашкоджанні, якія прывялі да смерць пацярпелай у рэанімацыйным аддзяленні бальніцы.

Першы суд, які адбыўся над віноўнікам аварыі са смяротным зыходам, прысудзіў яго да 2,5 гадоў умоўна, то бок без накіравання ў папраўчую ўстанову адкрытага тыпу. Акрамя таго, мужчыну было забаронена займацца любой дзейнасцю, звязанай з кіраваннем транспартнымі сродкамі, тэрмінам на 5 гадоў. Мужчына цалкам прызнаў сваю віну і часткова кампенсаваў маральную шкоду. Але дзяржаўнаму абвінаваўцу і сваякам загінулай такі прысуд здаўся занадта мяккім і яны абскардзілі яго. Судовая калегія па крымінальных справах Віцебскага абласнога суду разгледзела заяву і ўсё ж такі накіравала мужчыну ў калонію пасялення на 2,5 гады. Забарона на кіраванне транспартнымі сродкамі пакінута ў сіле.