Юныя і нават маладыя прыхільнікі футбольнага клуба «Орша» («Старт») не памятаюць, што ў нашым горадзе ў першай палове 90-х была спроба наладзіць выхад перыядычнага выдання пра мясцовы футбол, найперш пра галоўную гарадзкую каманду, якая тады насіла назву «Легмаш». У траўні і чэрвені 1994 года выйшлі нумары газэты «Оршанский футбол». Спонсарам выданьня было малое прамысловае прадпрыемства «Дыяпазон», у першым нумары з’явілася інтэрвію з дырэктарам МПП Аляксандрам Данілеўскім, піша блог фанатаў "Оршы".
Газэта выходзіла на чатырох палосах, на расейскай мове, друкавалася ў Аршанскай друкарні на Замкавай. У выданьні друкаваліся артыкулы, зацемкі, інтэрвію і статыстычныя выкладкі Уладзімера Завадзкага і Ўладзімера Івашкевіча. Публікаваліся фотадымкі Ігара Бакіноўскага. Натуральна, былі тут ня толькі справаздачы зь мінулых матчаў «Легмаша», але і анонсы наступных паядынкаў. Наклад «Оршанского футбола» быў 999 асобнікаў.
На жаль, «Оршанский футбол» праіснаваў усяго два нумары. Далей друк газэты быў спынены.
У тэму:
Хто гуляў у першым футбольным матчы ў Оршы (1918 год)?
Да 100-гадовага юбілею аршанскага футболу выйшлі паштоўкі
У Оршы 18.05.2019 пройдуць матчы ветэранаў "Старта" і "Тэмпа"
