Г-падобны ў плане 2-павярховы будынак, накрыты вальмавым дахам. Фасады вырашаны плоскасна, рытмічна расчлянёны прамавугольнымі аконнымі праёмамі (унутры лучковымі), завершаны буйным карнізам нескладанага профілю з паўкруглым валікам унізе. На галоўным фасадзе, дзякуючы нахілу рэльефу, адкрыты моцны цокальны паверх. Галоўны вуглавы ўваход з шырокай драўлянай унутранай 2-маршавай лесвіцай. Кароткае крыло будынку са знешняга боку фланкіравана невялікімі прыбудовамі лесвічных клетак. Планіроўка галерэйная, калідор і жылыя пакоі на абодзьвух паверхах перакрыты крыжовымі і цыліндрычнымі скляпеннямі з распалубкамі.