Зводка МНС паведамляе пра пажар у адной з самых папулярных кавярняў на трасе М1 у нашым рэгіёне. Гэта вялікі і добра заўважны аб’ект прыдарожнага сэрвісу з вялікай стаянкай, кавярняй і іншымі зручнасцямі. У ноч з 12 на 13 кастрычніка тут адбыўся пажар у лазні пры кавярні. Лазня пашкоджана моцна і некаторы час, відавочна, працаваць не будзе. Пры пажары ніхто не пацярпеў, а прычына здарэння пакуль яшчэ высвятляецца.
Яшчэ адзін пажар паводле зводкі МНс адбыўся ў вёсцы Труд Сенненскага раёна. Тут вечарам 14 кастрычніказагарэлася сена мясцовай гаспадаркі. У выніку пажару згарэла 6 рулонаў сена.
