Наш сайт паведамляў у сярэдзіне лютага, што неабыякавыя аршанцы запатрабавалі ад Аршанскага райвыканкама спыніць некарысную і нават шкодную практыку бялення дрэваў у горадзе. У лісце да чыноўнікаў была прыведзеная адпаведная аргументацыя з падмацаваннем ад спецыялістаў у гэтай галіне. Цяпер грамадзяне, якія падавалі і падпісвалі петыцыю, атрымалі адказ за подпісам намесніка старшыні Аршанскага райвыканкама Селіванава. У адказе паведамляецца, што практыка бяленя дрэваў будзе спыненая.
У частцы слупоў чыноўнік паведаміў, што іх бяліць усё ж такі будуць. Гэта будзе рабіцца дзеля "візуальнага акцэнтавання ўвагі ўдзельнікаў дарожнага руху".
