Нам напісалі жыхары дома № 17 па вуліцы Міру, якія паведамілі пра тое, што ўжо доўгі час у іх цячэ з кранаў брудная вада. Мыцца ў такой і тым больш піць — вялікая праблема. Грамадзяне кажуць, што набываюць фільтры, але іх замена каштуе грошай, да таго ж аплата ў "жыроўках" ідзе за чыстую ваду, а не за той "кісель", паводле выказвання чалавека, які да нас звярнуўся. Звароты ў дзяржаўныя органы выніку пакуль не прынеслі.
Высвятляецца, што ў яшчэ некалькіх раёнах горада падобная праблема. У прыватнасці, у раёне вуліцы Пагранічнай і таксама на Магілёўскай. Просім нашых чытачоў, якія маюць падобныя праблемы, прысылаць фотаздымкі з адрасам і гісторыяй размоваў з камунальнікамі на электронную пошту [email protected]. Таксама можна пісаць у Твітэр з пазначэннем акаўнту нашага сайта там @Orsha_eu і хэштэгам #Орша разам.
