Паводле дадзеных следства, днём 23 верасня 2019 года кампанія распівалі спіртныя напоі ў вёсцы Крыніцы Талачынскага раёна. У нейкі момант паміж 62-гадовым і 22-гадовым мужчынамі адбыўся слоўны канфлікт, у выніку якога малады чалавек пачаў збіваць мужчыну. Пасля чаго перацягнуў яго на вуліцу і пакінуў паблізу дарогі. Мінакам хлопец распавёў, што выявіў цела мужчыны, якое ляжала ў крыві на вуліцы, пасля чаго паказаў месца яго знаходжання і папрасіў выклікаць хуткую медыцынскую дапамогу. Пацярпелы ад атрыманых цялесных пашкоджанняў памёр у лякарні ў той самы дзень. Пазней у ходзе судова-медыцынскай экспертызы будзе ўстаноўлена, што 62-гадоваму мужчыну было нанесена не менш за 21 траўматычнае ўздзеянне.

У ходзе аглядаў месца здарэння следчымі выяўлены сляды валачэння з веранды да месца выяўлення пацярпелага. Таксама ў ходзе расследавання канфіскаваны абутак абвінавачанага, на якім выяўлены сляды крыві загінулага.

Следчымі праведзена праверка паказанняў на месцы, падчас якой абвінавачваны прадэманстраваў следчым абставіны здзяйснення ім злачынства. Да матэрыялаў крымінальнай справы далучаныя заключэнні экспертных даследаванняў, праведзеных супрацоўнікамі ГКСЭ. З мэтай ліквідацыі супярэчнасцяў у паказаннях удзельнікаў крымінальнага працэсу праведзеныя вочныя стаўкі, адноўлена поўная карціна таго, што адбылося.

Па выніках расследавання 22-гадоваму маладому чалавеку прад'яўленае абвінавачванне па ч. 2 арт. 139 (забойства, здзейсненае пры абцяжваючых абставінах) Крымінальнага кодэкса Рэспублікі Беларусь. Да яго ўжытая мера стрымання ў выглядзе заключэння пад варту.

Матэрыялы крымінальнай справы перададзеныя пракурору для накіравання ў суд, паведаміла афіцыйны прадстаўнік УСК па Віцебскай вобласці Аксана Лазько.