2 красавіка ў Оршы адбылася крывавая разборка з удзелам 46-гадовага злодзея «у законе» Алега Герасімовіча, больш вядомага ў крымінальным асяроддзі як Муму або Слуцкі. Аб'ектам нападу стаў прыхільнік злодзея «у законе» Аляксандра Кушнярова — аршанскі аўтарытэт Дамаросаў, ён жа Марозік, які атрымаў множныя нажавыя раненні.
Падрабязнасці апісвае ІА "Прайм КрАйМ", якая спецыялізуецца на навінах злачыннага свету. Як распавяла крыніца, знаёмая з сітуацыяй, «выйсці са спячкі» Муму прымусіла збіццё яго старога прыяцеля Астраўка, у свеце — Юрыя Астроўскага. Акрамя Муму і Астраўка, у справе былі «шэф сілавога блоку» Муму Аляксандр Пазняк і жыхар Глуска, які раней у поле зроку праваахоўнікаў не трапляў. Марозіка высачылі ў казіно «Венецыя». Усё тое, што адбылося далей было захавана камерамі відэаназірання. Каля 21:50 Пазняк і Астравок ўвайшлі ў казіно. Праз хвіліну яны вярнуліся да выхаду ў кампаніі з Марозікам, дзе Пазняк адразу ж яго атакаваў. Нягледзячы на эфект раптоўнасці, вырубіць Марозіка з аднаго ўдару ў Пазняка не атрымалася. Той, як мог, стаў адмахвацца. На дапамогу Пазняку прыйшоў яго саўдзельнік, але майстрам кулачнага бою таксама сябе не зарэкамендаваў. Адыходзячы назад, Марозік дастаў з кішэні нож і рынуўся на тых, хто нападаў. Пазняк і Астравок кінуліся наўцёкі за падмогай. Марозік гнаў іх да лесвіцы пакуль не ўбачыў, што сілы праціўніка падвойваюцца. Муму, каб усяліць дух у сваіх збеглых таварышаў, з лютасцю накінуўся на Марозіка. Колькасная перавага вырашыла зыход паядынку, тым больш, што ў тых, хто нападаў, ножычкі таксама знайшліся. Марозік упаў і дабівалі яго ўжо ў ляжачым становішчы. Муму таксама не ўстаяў на нагах. У запале барацьбы злодзей «у законе» выкінуў прамы ўдар у бок супрацоўніка ўстановы, які паспрабаваў спыніць яго хуліганскія дзеянні, але не дасягнуў цэлі і аблаяў словамі. Пасля гэтага ўся чацвёрка, пакінуўшы Марозіка сцякаць крывёй, бегам пакінула поле бітвы, прычым Астравок уцякаў хутчэй за ўсіх.
<iframe width="560" height="315" src="https://www.youtube.com/embed/Bb9-6-Cvl3g" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>
Нягледзячы на тое, што ўсе ўдзельнікі інцыдэнту ўстаноўлены, крымінальная справа да гэтага часу не ўзбуджана. Міліцыя наогул не паведамляе пра крывавы інцыдэнт. А Orsha.eu да з'яўлення першых канкрэтных падрабязнасьцяў вымушаны быў не публікаваць інфармацыю.
Як паведамляе "Прайм КрАйМ", сёння ў Беларусі на волі два злодзеі «ў законе» — Кушнер і Герасімовіч, якія належаць да розных ідэялогій і ўзаемна не прызнаюць адзін аднаго. Пры гэтым Кушнер не дамінуе, як раней, але і Слуцкі, у сілу сваёй непасянарнасці, не спяшаецца скарыстацца ўнікальным момантам для перахопу ўлады. Ад Муму, які на волі са снежня 2018 года, чакалі хоць нейкага выпаду ў бок Кушнера, але звядзенне асабістых рахункаў з Марозікам на гэта не цягне.
У траўні мінае тэрмін 5-гадовага пакарання яшчэ ў аднаго «дубайца», 38-гадовага Паўла Аляксеевіча, ён жа Паштэт, на якога анты-кушнераўская апазіцыя ускладае надзеі, што ён пойдзе далей, чым гэта атрымалася ў Муму.
