За некалькі жнівеньскіх дзён мінулага года трактарыст са сваімі чатырма знаёмымі сцягнуў у сельскагаспадарчай арганізацыі Аршанскага раёна 4620 кілаграмаў азімай пшаніцы. Яе кошт складаў 1848 рублёў. Усе яны загадзя дамовіліся і дзейнічалі разам.
Калі пра гэта стала вядома, зламыснікі цалкам пакрылі шкоду.
У судзе яны прызналі віну і раскаяліся. Чатыры чалавекі атрымалі па 2 гады пазбаўлення волі, але суд прызначыў ім "выпрабавальны тэрмін" на адзін год. Калі за гэты час яны не здзейсняць новага злачынства, адбываць пакаранне ім не давядзецца.
Пяты ўдзельнік гэтай групы атрымаў 2 гады і 6 месяцаў абмежавання волі без накіравання ў папраўчую ўстанову. Таксама яму дадалі пакаранне па старой справе - забарону займацца паляваннем тэрмінам на 3 гады і 5 месяцаў.
