Два чалавекі загінулі ад атрыманых траўмаў у аўтакатастрофе на новай дарозе, якая злучыла М1 і Балбасава, і пра якую наш сайт паведамляў учора. Трагедыя адбылася ўвечары 3 чэрвеня ў выніку сутыкнення легкавога аўтамабіля і аўтапоезда непадалёк ад Оршы. Каля 19:00 недалёка ад вёскі Ніжняя Веравойша Аршанскага раёна сутыкнуліся легкавы аўтамабіль «Opel Zafira», за стырном якога быў 36-гадовы мясцовы жыхар і фура «DAF» пад кіраваннем 52-гадовага жыхара Гарадзенскай вобласці.
У выніку гэтага дарожна-транспартнага здарэння кіроўца і 19-гадовы пасажыр легкавога аўтамабіля атрымалі цяжкія траўмы і памерлі на месцы аварыі. Фота МУС.
