З самай рускамоўнай арганізацыі аўтапарк №3 можа стаць самым беларускамоўным. Нагадаем, што наш аўтапарк быў адзіны ў вобласці і адзін з нямногіх у краіне, які абвяшчаў прыпынкі на рускай мове і ўвогуле не выкарыстоўваў беларускай мовы ў сваёй рабоце. Але некалькі год перапіскі і прапановаў выраўняць перакос на карысць мовы суседняй краіны далі свае вынікі. Спачатку беларуская мова з'явілася ў абвяшчэнні прыпынкаў, прынамсі на маршруце №13, потым з'явілася беларускамоўная старонка на сайце арганізацыі, а літаральна на днях аўтапарк выпусціў новыя квіткі для апоаты праезду - таксама на беларускай мове.
Варта адзначыць і цікавы дызайн квіткоў - даволі просты, але яркі і запамінальны сваёй прастатой.
