Віцебскі абласны суд вынес прысуд па жорсткім забойстве мужчыны ў Талачынскім раёне. Трагедыя адбылася 23 верасня 2019 года. Кампанія распівалі спіртныя напоі ў вёсцы Крыніцы. Паміж 62-гадовым і 22-гадовым мужчынамі ўзнікла спрэчка, якая перарасла ў бойку. Малады чалавек пачаў збіваць мясцовага жыхара, пасля перацягнуў яго на вуліцу і пакінуў каля дарогі. Мінакам хлопец распавёў, што знайшоў мужыну, які ўжо ляжаў у крыві, і папрасіў выклікаць хуткую. Пацярпелы ад траўмаў сканаў у лякарні ў той жа дзень. Экспертыза ўстанавіла, што мужчыну было нанесена больш за 20 удараў у розныя часткі цела.
Суд прысудзіў абвінавачанага да 14 гадоў пазбаўлення волі ў папраўчай калоніі ва ўмовах ўзмоцненага рэжыму. Яго таксама будуць лячыць ад таксікаманіі, паведаміў карэспандэнту БЕЛТА старшы пракурор аддзела пракуратуры Віцебскай вобласці Антон Гарохаў. Прысуд у законную сілу не ўступіў і можа быць абскарджаны і апратэставаны.
