Медыкі прааналізавалі, наколькі вялікая верагоднасць заражэння COVID-19 праз рачную ваду. Даследаванні паказалі, што вірус можа жыць у вадаёмах да 25 дзён. Вынікі даследавання апублікаваныя на навуковым партале medRxiv.
Група брытанскіх і польскіх эпідэміёлагаў выявіла, што каранавірус можа знаходзіцца ў вадзе вельмі доўгі час, асабліва калі тэмпература нізкая. Навукоўцы высветлілі, што ў тыповых каналізацыйных сцёках, а таксама водах рэк і азёр каранавірус жыве каля 25 дзён.
У групе рызыкі знаходзяцца некалькі дзясяткаў дзяржаваў, дзе працэнт заражаных COVID-19 быў самым вялікім. Спецыялісты адзначаюць, што больш за ўсё варта баяцца жыхарам Вялікабрытаніі, Іспаніі і Марока. Навукоўцы кажуць, што для заражэння неабходна, каб у вадаёме было не менш за 100 вірусных часціц на кожныя 100 мл.
Найменшай рызыцы заражэння рэк схільныя паўночныя краіны з нізкай шчыльнасцю насельніцтва, напрыклад, Расія і Канада, а таксама экватарыяльныя дзяржавы, сярод якіх Інданезія, Венесуэла, Аўстралія і Новая Зеландыя.
На думку навукоўцаў, вірус здольны выжыць нават у морах і акіянах. У небясьпецы могуць апынуцца кіты, бо праз іх горла праходзяць вялікія аб’ёмы вады.
