На сёняшні дзень быў абвешчаны аранжавы ўзровень небяспекі з-за дажджоў. Але на працягу дня аршанцы пакуль не пабачылі хоць якога прыстойнага дажджу, калі не лічыць кароткатэрміновы - хай сабе і даволі рэзкі і моцны - дожджык які прайшоўся над цэнтрам. А прадказаная на раніцу сіноптыкамі навальніца так і не пайшла.
Расслабляцца, праўда, не раім. На другую палову дня сіноптыкі гавораць пра 60-працэнтную верагоднасць навальніцы з моцнымі парывамі ветра, што заўважна ўжо зараз. Такі вецер можа як хутка прынесці ападкі, так і хутка прагнаць іх.
На наступныя дні тыдня сіноптыкі прагназуюць дажджы кожны дзень. Калі верыць іх прагнозам, калі дождж пойдзе ў чацьвер, то не спыніцца ўжо да нядзелі. Адначасова з дажджамі застаецца і верагоднасць навальніцы на працягу ўсяго тыдня.
