Следчы камітэт паведамляе пра чарговы выпадак перамогі махляроў над здаровым сэнсам. Колькі б не паведамлялі пра такія выпадкі, колькі б ні гаварылі, што нельга нікому даваць дадзеныя сваёй банкаўскай карты, а ўсё ж знаходзяцца тыя хто вядуцца на стандартны развод. 18 кастрычніка 56-гадоваму аршанцу пазванілі пад выглядам работніка банка на вайбер і распавялі, што з яго карты нехта спрабуе скрасці грошы, а для таго, каб гэта спыніць трэба зрабіць некаторыя аперацыі.
Мужчына паверыў і даў дадзеныя сваёй карты, потым паролі якія прыходзілі на яе. А потым з карты "у банк" сыйшло больш за 9.000 рублёў.
У апраўданне мужчыны можна сказаць, што ён далёка не адзіная такая ахвяра. Цікавыя лічбы прыводзіць абласны Следчы камітэт. Аказваецца толькі з 18 па 20 кастрычніка па вобласці было заведзена ажно 17 крымінальных справаў за падоюныя дзеянні. Аршанец страціў найбольшую сумум, астатнія страчвалі ў сярэднім па 560 рублёў.
