Дваццаць першае стагоддзе, а ў Беларусі некаторыя ўсё яшчэ падпальваюць траву, як у каменным стагоддзі людзі займаліся падсечна-агнявым земляробствам. У выніку такога глупства надоўга на гектарах тэрыторыі вынішчаюцца карысныя насякомыя, а могуць пацярпець і рэдкія расліны з насеннем. І гэта яшчэ не самае горшае, бывае, што ад вясенніх выпалаў травы церпяць будынкі і людзі.
На днях невядомы падпаліў траву каля возера Шчацінкаўскае. Вагонь па сухой траве даволі хутка разгарэўся і пераўтварыўся ў паўнавартасны пажар з-за якога пацярпелі маладыя хвойныя дрэвы. Калі б не прыехаўшыя ратавальнікі, то пажар мог перакінуцца і на астатні лес.
Звычайна такія падпальшчыкі-шкоднікі застаюцца не вядомымі. Але гэта не той выпдак. Справа ў тым, што выпадковыя сведкі змаглі сфатаграфаваць падпальшчыка і цяпер знайсці яго ды кампенсаваць шкоду — гэта толькі справа часу.
