Рэгіён, Здарэнні

Лось нарабіў шкоды. Фота

01.08.2022 11:31

1847 праглядаў, 0 каментароў

На трасе М1 аварыя

Аварыя адбылася суботняй раніцай 30 ліпеня. Ужо ў 4-24 на тэлефон ратавальнікаў прыйшло паведамленне пра здарэнне. Праязжаючы міма маленькай вёскі Сані ў Талачынскім раёне па трасе М1 легкавы аўтамабіль на хуткасці сутыкнуўся з ласём, які перабягаў дарогу. машына вылецела ў кювет і атрымала моцныя пашкоджанні. Па характару пашкоджання можна меркаваць, што лось быў збіты і ўсёй вагой ўпаў на лабавое шкло машыны. Такім чынам ён праламіў шкло ды змяў дах аўтамабіля. Кіроўца змог выбрацца з машыны і пазваніць ратавальнікам, а пасажыр аказаўся заціснутым у машыне. Для яго дэблакіроўкі і спатрэбілася дапамога спачатку ратавальнікаў, а потым і медыкаў-пасажыр атрымаў траўмы.

Насамрэч абодва чалавекі могуць парадавацца. Сутыкненне з жывёлы — вельмі небяспечны від аварыяў і не заўсёды людзям шанцуе выжыць у такіх аварыях, бо шматкілаграмовая туша на прыстойнай хуткасці можа насмерць раздавіць тых хто ў машыне, патрапляючы непасрэдна ў лабавое шкло.

Ласю дарэчы таксама пашанцавала меньш чым людзям.