Раней мы ўжо паведамлялі пра трактарыста-рэкардсмэна, які са сваёй гаспадаркі скраў амаль тону паліва. На дадзены момант гэта падобна на абсалютны рэкорд сезона па краіне. Больш паліва не было скрадзена ні ў адным іншым раёне. Не здарма ў міліцэйскай газеце "На страже" пра трактарыста-перадавіка выйшаў асобны артыкул. З артыкула можна даведацца некаторыя дадатковыя падрабязнасці крадзяжоў.
Як і было вядома раней, мужчына зліваў паліва не спяшаючыся па крышачку, хаваў яго не далёка ад поля на якім і работаў, а вечарам прыязжаў на ўласным аўто забіраць накрадзенае. Мужчына аказаўся з галавой і рукамі і змог наладзіць свой трактар так, каб трактар эканоміў паліва, але паказваў, што выкарыстаў больш. Не абыйшлося і без элементарных прыпісак кіламетража. Міліцыянты пры вобшуку гаража мужчыны, выявілі больш за 700 літраў крадзенага, а яшчэ пра 200 распавёў сам затрыманы. Частку ён сапраўды выкарыстаў для сваіх патрэбаў, а частку змог прадаць за кошт чаго адрамантаваў жонкіну машыну і свой хатні трактар.
