Са спісу гарадоў-пабрацімаў на сайце выканкаму знік украінскі горад-пабрацім Чаркасы. У прынцыпе гэта не дзіўна, ад пачатку вайны многія украінскія гарады разарвалі пабрацімскія стасункі з беларускімі гарадамі. Праўда звычайна гэта аздаблялася заявамі заўважнымі для СМІ. А, вось, Чаркасы зніклі неяк незаўважна. Ні на сайце Аршанскага выканкаму, ні на сайце Чаркасскай адміністрацыі мы інфармацыі пра разрыў сувязяў не знайшлі. З алеі гарадоў-пабрацімаў пліта з назвай Чаркасаў таксама знікла.
Ад пачатку вайны многія гарады-пабрацімы выказвалі сваю падтрымку Чаркасам, нават, адпраўлялі гумантарную дапамогу. Сярод іх тыя гарады, якія пад палітычным уплывам Расіі, напрыклад Грузія і Арменія. Орша ж аніяк не адрэгавала на тое, што ў пабраціма пачалася вайна.
