З сёняшняга дня ў Аршанскім раёне пачынаюць падключаць ацяпленне ў шэрагу ўстановаў. У першую чаргу цяпло пойдзе ў дзіцячыя садкі, бальніцы і гэтак далей. Відавочна, што хутка да ацяплення могуць пачаць падключаць і жылыя дамы, бо тэмпература на вуліцы пакуль падвышацца не плануе, нават наадварот.
Па прагнозах сіноптыкаў на гэтым тыдні максімальная тэмпература днём будзе +11 градусаў, а ноччу будзе апускацца бліжэй да нуля. Для таго, каб падключаць ацяпленне вылічваюць сярэднесутачную тэмпературу і калі яна складае ніжэй за +8 градусаў некалькі дзён запар, то запускаецца ацяпляльны сезон.
