У нядзелю ў сеціве пачало распаўсюджвацца відэа дзе праз Оршу едзе чыгуначны састаў з такнкамі. Спачатку ўвагу многіх тэлеграм-каналаў прыцягнула, што жаўнераў перавозяць у грузавых вагонах, якія тут жа назвалі "Скатавозкамі". Але пазней паўстала пытанне а куды ж едуць танкі.
На відэа бачна, што эшалон цягнецца па паўночным баку Оршы-Цэнтральнай у накірунку Усхода, адпаведна ў Смаленск. Гэта не зусім супадала з перасцярогамі, што Беларусь усё ж такі могуць уцягнуць ў вайну - навошта ж тады пераганяць вайсковую тэхніку ў Расію? Усё стала больш зразумела калі ўдалося прасачыць увесь шлях саставу.
Аказалася, што праз танкі праз расейскую тэрыторыю ехалі ў Луганскую вобласць Украіны, якая зараз акупіравана расеяй. Каля 12 танкаў такім чынам перадалі Расеі для ўзмацнення яе акупацыйнай групоўкі. Самі танкі былі мадэллю, якая ў Беларусі знятая з узбраення, а таму і была аддадзена ваюючаму суседу.
