На днях мы пісалі, што ў нядзелю праз Оршу праехаў эшалон з вайсковай тэхнікай. Вайсковыя эксперты змаглі адсачыць куды ехаў гэты эшалон. Па іх інфармацыі, эшалон з, як мінімум, 12 танкаў і жаўнерамі ехаў праз Оршу ў Луганскую вобласць на дапамогу расейскаму войску.
Учора ў «экстрэмісцкіх» тэлеграм-каналах з’явілася фота і відэа яшчэ аднаго эшалона вайсковай тэхнікі, які спачатку пабачылі на ўчастку Мінск-Барысаў, а потым заўважылі і на пад’ездах да Оршы. На эшалонах заўважылі як мінімум: два УАЗ, 5 розных МАЗ, 5 ТОР-М2
Украінскія эксперты, відавочна з дапамогай выведкі, змаглі адсачыць рух калоны пасля Оршы. У прыватнасці Алег Жданаў сказаў, што гэты эшалон пайшоў у Крым, але чакаецца, што праз наш горад пройдзе яшчэ як мінімум 11 эшалонаў. Гэтую тэхніку ў Беларусі, паводле яго інфармацыі, здымаюць з захоўвання ў Беларусі і перадаюць Расеі для падмацавання фронту на акупаваных украінскіх тэрыторыях.
Насамрэч гэта можа радаваць. калі беларусь перадае сваю закансерваваную тэхніку Расеі, то можна чакаць, што не зважаючы на новую ваяўнічую рыторыку ўладаў, усё ж такі Беларусь наўрад ці ўступіць у вайну, хаця ўзмацненя такой рыторыкі можна чакаць.
