Белстат апублікаваў даследванне да сусветнага дня мужчынаў. Статыстыка ў ім сапраўды цікавая і пайшла па многіх СМІ як незалежных, так і дзяржаўных. Даследванне дзяржаўнай статыстычнай службы з большага паказвае стан мужчынскага насельніцтва ў краіне. Ды вось, агулам мужчынаў меньш за жанчынаў - усяго 46,2% ад усяго насельніцтва. Гэта не дзіўна - такі невялікі перакос у бок жанчынаў назіраецца ад пачатку вядзення статыстыкі. Дзіўна тое, што некаторыя гарады выбіваюцца з гэтай статыстыцы. У чатырох гарадах мужчынаў больш чым жанчынаў: Відзы (гарадскі пасёлак), Астравец, Івацэвічы і суседні Шклоў.

Відавочна, што перакос у гэтых чатырох гарадах можна патлумачыць нейкімі прычынамі. Напрыклад, у Астраўцы рост мужчынскага насельніцтва адбыўся пасля будаўніцтва атамнай электрастанцыі, якая запатрабавала шматлікіх маладых спецыялістаў мужчынаў. Але чаму Шклоў?

У Шклове няма нейкіх чыста мужчынскіх вялікіх прадпрыемстваў, але... Тут велізарная калонія. І калонія гэта мужчынская. Менавіта за кошт ейных насельнікаў у гэтым горадзе мужчынаў больш чым жанчынаў. Таму, нажаль, жанчынам радавацца не даводзіцца. Канешне, чыста па лічбах тут мужчынаў можа хапіць на ўсіх, але ж на практыцы мужчыны гэтыя аддзеленыя ад жанчынаў сцяной і калючым дротам.