Як мінімум двух прызыўнікоў асудзілі за ўхіленне ад прызву на вайсковую службу. Улічваючы, што Беларусь юрыдычна лічыцца суўдзельніцай у вайне, матывацыю такіх прызыўнікоў зразумець можна. Гарантыяў, што ўдзел Беларусі ў вайне не прыме гарачай формы няма. Але юрыдычна не жаданне прымаць удзел у вайне не вызваляе ад абавязку патраціць 1,5 гады ў вайсковай частцы. Улічваючы, што зараз яшчэ і пачынаюцца вайсковыя зборы, то апублікаваныя сёння пастановы суда могуць быць паказальнымі. Колькі ж зараз на практыцы даюць за не жаданне служыць?
Першы суд, пра які ідзе гаворка, адбыўся 24 лютага - адразу пасля дня "Савецкіх Войска і флоту". Малады хлопец атрымаў павестку, але так і не прыйшоў па ёй. Напачатку ён хадзіў у ваенкамат, але ў апошні раз проста не пайшоў, а паехаў на заробкі. У выніку маладзён атрымаў 3 месяцы арышту, затрыманы ён быў яшчэ да суда.
У другім выпадку хлопец прыйшоў на мед.камісію, хадзіў па дактарах, а потым яму надакучыла і ён сыйшоў не закончыўшы поўны агляд на прадмет годнасці да службы. У выніку суд пакараў такога полу-ухіленца да штрафу ў 30 базавых велічыняў.
