У суботу 13 ліпеня ў Беларусі надвор'е толькі шкодзіла - дзесці сонца паліла людзей, усталяваны рэкорд больш чым у 37 градусаў у цені. А дзесці ўтварала моцныя вятры, якія валілі каснтрукцыі,дрэвы ў выніку чаго па краіне загінула некалькі чалавек. Ураган быў заўважаны ў Мсціслаўлі і меньш моцны ў Віцебску. Здавалася, што Оршу ўраганы абыйшлі з двух бакоў. Але ж не...
Каля 23 гадзін вечара вельмі рэзка над горадам замігцелі частыя маланкі і паліў моцны дождж. Ужо праз некалькі хвілін да дажджу далучыўся град, а гэта яўная прыкмета, што будуць пашкоджанні. Як мінімум, пацарапаныя аўтамабілі. Лівень быў такі моцны, што меньш чым за гадзіну ў некаторых раёнах (з традыцыйнай кепскаў ліўневай каналізацыяй) утварыліся гіганцкія лужыны. Раніцай мы назіраем дзесяткі абвестак пра згубленыя ў такіх лужынах аўтамабільныя нумары. Паведамляецца таксама пра падмыты мост каля вёскі Ярашэвічы, але пакуль без фотападцверджання.
Такім чынам, цалкам непагадзь нас не абыйшла. Але ў параўнанні з іншымі рэгіёнамі і тым жа Мінскам, над намі прайшоў пробнік урагану. А на відэа паказваем як над Оршай пачынаўся гэты самы дождж - знятыя першыя яго хвіліны.
