Нагадаем, што гаворка ішла аб незаконным затрыманні, пазбаўленні свабоды і ўтрыманні Аляксандра трое сутак у Аршанскім псіхіятрычным дыспансеры. Касацыйная скарга была пададзена галоўным лекарам Аршанскай цэнтральнай паліклінікі У.Ц. Плыткевічам, які з'яўляецца сенатарам - дэпутатам.

Суд, разгледзеўшы пярэчанні У.Ц. Плыткевіча і выслухаўшы прадстаўленыя довады рокера Аляксандра Мухіна вырашыў: Рашэнне суда горада Оршы па справе пакінуць у сіле. І як было вырашана Аршанскім судом выплаціць рокеру 3 мільёны рублёў за маральную шкоду. Па гэтай справе была праведзена атэстацыя - навучанне лекараў па веданні законаў, якімі яны павінны кіравацца. Залікі здалі 32 ўрача - загадчыкі.

Як заявіў у заключным слове Аляксандр Мухін. «Свабода для мяне не пустое слова. І я не жадаю ператварацца ў быдла бязмоўнае і бяспраўнае. Калі ўсё гэта пачыналася, сябры, знаёмыя, сваякі мне казалі з нейкай трывогай у голасе. Не ўвязвайся, нічога не дакажаш, куды ты суешся, а то і дакладна дурнем зробяць. Плюнь, забудзь і жыві далей. Гэтая сцяна непрабіўная.

Нічога не трэба баяцца. Сіла - яна ў праўдзе. А Свабода - натуральнае пачуццё кожнага чалавека, дадзенае нам ад нараджэння. І не трэба гэта заганяць у нейкі цёмны і далёкі куток сваёй душы. Кожны дзень, хоць па кроку прасоўвацца да сваёй мэты, і ўсё будзе, і ўсё атрымаецца. Добрых, добрых і сумленных людзей вакол заўсёды больш. Гэта радуе і абнадзейвае!"