Відавочцы паведамляюць пра здарэнне 17 лютага на скрыжаванні вуліцаў Дамініканская і Савецкая. Каля 16-15 ў аўторак легкавы аўтамабіль на скрыжаванні збіў жанчыну. Па словах відавочцаў, і жанчына і аўтамабіль пасля аварыі знаходзіліся крыху далей за пешаходны пераход, што можа гаварыць пра тое што само сутыкненне адбылося на пераходзе. У аўтамабіля пашкоджана лабавое шкло, жанчына, як адзначылі сведкі, ляжала на асфальце і не варушылася.
У афіцыйнай зводцы адпаведных службаў па стане на 18 лютага інфармацыі пра здарэнне не было.
